Scoil: An Clochar, Cathair Saidhbhín (uimhir rolla 13542)
- Suíomh:
- Cathair Saidhbhín, Co. Chiarraí
- Múinteoir: An tSr. M. de Lourdes Stac
Tagairt chartlainne
Bailiúchán na Scol, Imleabhar 0476, Leathanach 251
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
(gan teideal)
“Bhí cailín ann uair, agus nuair a rugadh í dubhairt scoláire bocht rud éigin nár thaitin le muintir an tighe mar gheall ar an leanbh.”
Bhí cailín ann uair, agus nuair a rugadh í dubhairt scoláire bocht rud éigin nár thaitin le muinntir an tighe mar gheall ar an leanbh. Chualadh an t-athair mar gheall air, acht n'fheadar sé cad é. Bhí an sgoláire imthighthe, agus dubhairt an t-athair ná codlóchadh sé an tarna oidhche in aon leabaidh, ná íosfadh sé an tarna béile ar aon bhórd, go dtí go bhfaghadh sé amach an chainnt a chaith an sgoláire. Do lean sé an sgoláire agus tháinig sé suas leis ag bóthar ceithre cros. D'fhiafruigh sé de'n sgoláire cad é mar shaghas cainnte a chaith sé uaidh nuair a bhí sé in a thigh féin. Dubhairt an sgoláire gur chuma do anois, agus nách feárrde dho é a chlos. Do bhí sé ag dlúth-thathant air go dtí gur innis sé dho é. agus dubhairt sé "dhá méid duadha an leinbh sin a gheobhair, agus dhá mhéid córa a chuirfidh tú uirthe, ag an dardaol a bheidh sí sa deire." Bhí san go maith agus tugadh gach aon nidh ar fheabhas do leinbh sin oideachas, oileamhaint, agus mar sin de. Lá amháin do bhí an líon-tighe go léir ag an Aifrinn, agus bhí sí seo a bhfeidhil an tighe. Bhí sí fasta suas fe'n am so. Cad a thiocfadh isteach fé bhun an doruis acht dardaol, sin saghas péiste ar dhath agus ar mhéid na ciaróige. Chonnaic sí an dardaol ag teacht isteach agus(leanann ar an chéad leathanach eile)