School: An Mhálainn Bheag (roll number 14119)

On this page

1. Na Trí Gaiscíoch

   

   Share Share Post

   Bhí sin ann agus is fad ó bhí. Bhí Rí ins an Domhan Thoir agus nuair a bhí sé cúig bliadhan as fiche de aois phóg sé agus nuair a bhí se bliadhain posta rugadh páisde fir dó. Bá é an t-adhbar fir ba doighmheala agus bá bhréaighte, a chonnaicheas ariamh, acht go rabh sé rud beag dorcha ‘sa chroiceann. Nuair a bhí sé leith-bhliadhain de aois fuair a mhathair bás agus d’fág sin an Rí bocht leis féin go brónach. Chonnaic sé nach bhfuigheadh sé ar aghaidh gan bean eile a phosadh, agus rinne sé sin. Nuair a bhí an mac dhá bhliadhain déag de aois rugadh cúpla mac do’n athair, agus bhí siad comh cosamhail le cheile go mbéigean do beilt dhubh a chuir ar fhear aca agus beilt dhearg ar an fhear eile.
   Chonnaic an mhathair go rabh an t-athair níos tógtha leis an chead mac nó leis an bheirt eile. Thainig an éad oirthí, agus dár leithe gur bhfearr fághail réidhtighe leis an chead mhac. Cuir sí fá choinne Cailleach na gCearc le n’a comairle a fhághail. Thainig sí agus thug an comhairle seo dí – d’iarr sí oirthí dul a luighe agus leigean oirthí go rabh sí tinn, agus nuair a thiocfadh an Rí ag amharch oirthí innse dó nach rabh dadaidh ar an domhain a léigheasadh í acht a mhac a chuir ar shiubhal ó’n teach. Smaoitigh an Rí go rabh sé an chruaidh aige a mhac a dhíbirt, acht nuair a cualaidh sé go rabh sé le bás a mhnaoí a thabhairt, b’éigean dó é a chuir ar shiubhal.
   Nuair a chonnaic a bhean go bhfuair sí a athchuinge bhí sé go h-an pléisiura air, acht nuair a bhí a dhá

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Cathal Ó Cuinneagáin

   Gender

   Male

   Age

   55

   Address

   Málainn Mhóir, Co. Donegal