Scoil: Baile na Bó (uimhir rolla 2260)

Ar an leathanach seo

1. Ceol Loch Oidhe

   

   Roinn Roinn Postáil

   Ceol Loch' Oidhe.

   Sean-fhocal a chuala mé agus chreidfeas mé i gcomhnuidhe,
   Gach aon ariamh mar a oiltear é a's an fhuiseóg ins an mhónaidh;
   Cé bith tír a rachaidh mise ná a mbéidh mé ann mo chomhnuidhe,
   Béidh mo chroidhe ag bruach Loch' Oidhe 'stigh i lár na sléibhte móra.

   Tá dhá oileán ar an loch bheag seo comh deas a's tá in Éirinn,
   Tá an loch 's an ghé a's nead acu faoi thom-bhláth ghorm fraochlaigh,
   Go mbfearr liom bheith ag iasgaireacht breac geal uirthí sa tséasúr,
   Ná bheith i gcaisleán thall i Sasain ag na h-uaisle uilig ar féasta.

   Ó'n chnoc árd ghlas taobh thall de'n loch tá'n t-amharc aoibhinn áluinn,
   Na luingis ag teacht ar fairrge ó Dhoire 'steach go Málainn;
   Ag siubhal annsin ab'áite liom ó mhaidin go dtí'n oidhche,
   'Snach smaointeóchá ar an pheacadh leis na h-uain bheaga óga ag gaoibheal.

   Ar an taoibh i bhfos tá'n míodún glas ó'n uisge go dtí'n bóthar,
   Tá fás gach uile sheóirt annsin 's tighthe deasa comhnuidhe;
   Seinnidh an chuach i dtús an tsamhraidh ann ó mhaidin go tráthnóna,
   Tá an eala 'gus an fhaoileann, an londubh 's an chorr-mhónadh.

   'S iomdha maidin shamhraidh a d'éirigh mé in m'óige,
   Ag éisteacht leis na h-éanachaibh ag deánamh a gcuid ceóil binn;
   Iad ag gol ó thom go tom ag eiteallaigh go ceólmhar,
   'S a nguth lán binn ag teacht faoi dhuilleabhair glas na gcrannaibh óga.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Ailbhe Ó Conáin

   Inscne

   Fireann

   Gairm bheatha

   Múinteoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Faisnéiseoir

   Caitlín Bean Uí Chonáin

   Inscne

   Baineann

   Seoladh

   An Fál Carrach, Co. Donegal