Scoil: Anach Cuain

Ar an leathanach seo

1. An Fear Oibre ag a Phá Lae

   

   Roinn Roinn Postáil

   Fear óg láidir a bhí ag obair d'feilméar nach raibh dúil aige Páighe mhaith a thabhairt do dhuine ar bith a bhí ag obair dó. Tráth fóghmair a bhí ann agus thárla go raibh sé ag baint arbhair dó'n fhéilmear le corrán. San tráthnóna shocruigh siad ar an bpáighe lae agus b'é seo an socrú a rinne siad. Thiubhradh an feilméar an méid dias arbhair don oibridhe a mbeadh chomhairimhthe aige faoi ceann deich nóiméad.
   Thosuigh an sgológ ag comhaireamh leis "Dias agus dias" adeir sé "sin dhá dhéis; dhá déis agus dhá dhéis sin ceithre dhiasa; ceithre dhiasa agus ceithre dhiasa sin ocht ndiasa, ocht ndiasa agus ocht ndiasa sin sé-dias-déag, sé-deag agus sé déag, sin dhó dhéag is fich' - agus is deas an dornán arbhair é sin.
   Dornán agus dornán, sin dhá dhornán; dhá dornán agus dhá dornán sin ceithre dhornáin; ceithre dhornáin agus ceithre dhornáin, sin ocht ndornáin; ocht ndornáin agus ocht ndornáin sin sé-dornáin déag; sé-déag agus sé-déag sin dhó déag is fich', agus is deas an punann arbhair é sin.
   Punann agus punann, sin dhá phunann; dhá phunann agus dhá phunann, sin ceithre phunainn; ceithre phunainn agus ceithre phunainn sin ocht bpunainn; ocht bpunainn agus ocht bpunainn sin sé phunainn déag; sé déag agus sé déag sin dó dhéag is fich' agus is deas an stúca arbhair é sin.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Micheál Ó Coinceanainn

   Inscne

   Fireann

   Seoladh

   Rinn na hAirne, Co. na Gaillimhe