Scoil: Tulach Cadhain (uimhir rolla 8446)
- Suíomh:
- Tulaigh Mhic Aodháin, Co. na Gaillimhe
- Múinteoir: Séamus Ó Duibhghiolla
Tagairt chartlainne
Bailiúchán na Scol, Imleabhar 0064, Leathanach 027
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)leigeas. Fágann daoine cruidhte capaill, tairngí agus rudaí de’n tsórt sin ann.
Tá draighean dubh mór ag fás taobh leis agus nuair a bhíonn daoine ag dul go h-Aimeirceá tógann siad dealg ar an gcrann leo mar deirtear go mbeadh turas slán aca dá ndéanfaidís sin. Tá reilg le h-aghaidh páistí in aice leis.
Tá tobar Órán ann chomh maith. Is le h-ais an bhóthair idir Mághcuilinn agus Gaillimh atá sé. Tá crann éigin ag fás o’s a cionn agus bíonn an crann sin comh deas is a bhfaca tú arís nó ariamh nuair a bíonn sé fé bláth . ‘Sé an caoi a dhéanfaidís turas ná : Gheobhadh siad seacht clocha beaga ar an dtobar. Déarfadh said seacht “Ár nAthair atá ar Neamh” agus iad ag siubhal timpeall ar an dtobar ar fead an ama.
Tá tobar eile thuas i gCill Aininn agus “Tobar Aininn” atá ar sin. I lár páirce atá sé. Aon bean nach mbeadh muirghín aici déanfadh sí turas go dtí an tobar sin, agus bheadh muirgíhn aicí déanfadh sí turas go dtí an tobar sin agus bheadh muirghín aicí annsin.
Ag Tobar “Breandáin “fadó bhíodh mór-shiubhail gach lá ‘le Breandán .i. an 16 adh lá de Bhealtaine. Tar éis an mór-shiubháal bhíodh na fir óga ag iománaidheacht i léine Mháire” ainm páirce is éadh é sin in aice na háite, agus bhíodh fear na méireachán ann agus tincéirí agus bhíodh lá mór ag óg is sean.
