Scoil: Fionn-Tráigh (uimhir rolla 16357)

Ar an leathanach seo

1. Na Trí Chomhairleacha (ar lean)

   

   Roinn Roinn Postáil

   (ar lean ón leathanach roimhe)

   san cheann mhór mar d’iarr an fear uirthe. Annsin nuair a bhí an fear ag imtheacht d’fhiafruigh a mhaighistir dó cia aca de’n dé rud a b’fhearr leis, trí comhairleacha nó a pháire. Smaointigh sé agus dubhairt sé go nglacfadh sé na trí comhairleacha. An chéad ceann cam díreach an ród sé an bealach mór an aith ghiorra. An dara ceann gan codladh oidhche amháin i dteach ina mbeadh cailín óg pósta ar sheanduine. An treas ceann, dá mbeadh fearg air trí coiscéim ar chúl agus trí coiscéim ar aghaidh a ghlacfadh sul a ndeanfad sé rud ar bith tobann. Nuair a bhí an fear ag gabháil amach ar an doras thug a mhaighistir an dhá thuirtín dó agus d’iarr air ceann amháin aca a ithe ach an ceann mór a choinneál agus é a thabhairt do a bhean nuair a rachadh sé abhaile. D’iarr a mhaighistir air fosda innse dó a bhean é a ghearradh agus dhá leath a deánamh de.
   D’imthigh sé leis agus nuair a bhí an oidhche ag teacht chuaidh sé isteach a dteach agus bhí seanduine ann. D’fhiagruigh sé do’n t-seanduine an dtabharfadh sé loistín na h-oidhche dó, dubhairt an sean fhear leis go dtabharfadh. Ní rabh sé i bhfad go dtáinig cailín bréagh dóigheamhail asteach agus canna léithe agus bainne ann. Chuaidh sí amach arais agus nuair a bhí sí amuigh d’fhiafruigh an fear do’n t-seanduine an í sin a inghean. Dubhairt an t-seanduine gurbh í sin a bhean, le sin smaointigh an fear ar na trí comhairleacha a thug a mhaigistir dó, agus an dara ceann gan codladh oidhche amháin i dteach in a mbeadh cailín óg pósta ar sheanduine. D’imthigh an fear amach as an teach agus nuair a bhí sé giota beag ar shiubhal chonnaic sé cruach cochán sgaithte agus smaointigh sé go bhfanfadh sé annsin rith na h-oidhche. D’fhan sé ann agus ní rabh fhios ag duine ar bith go rabh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0910B: The Servant's Good Counsels

   Teanga

   Gaeilge

   Bailitheoir

   Máire B. Nic Cuinneagain

   Inscne

   Baineann

   Faisnéiseoir

   Seán O Dochartaigh

   Inscne

   Fireann

   Aois

   70