Scoil: Leitir (uimhir rolla 15668)

Ar an leathanach seo

1. Seanscéal

   

   Roinn Roinn Postáil

   P.029

   Seana-Sgéul

   Bhí fear ann uair- Donncad ab’ainm do. Chuaidh sé ar an aonach lá chun bramach a dhíol. Dhíol sé an bramach is fuair sé airgead mhaith air. Thug sé an bramach go dtí stáisiún na traénach, chuir sé a capall isteach i stábla, d’ith sé a dinnéar, is ceannuigh sé rudaí a bhí ag teastáil uaidh. Bhí sé déanach sa tráthnóna nuair d’fhág sé an cathair, is ní raibh aoinne in aoinfheacht leis. Níor b’fada go dtáinig an báisteach anuas ‘na sruthánaibh, is fliuchadh Donnchadh go dtí an croiceann. Bhí fearg air, “Cad cuige go gcuireann Dia an báisteach anuas orm mar seo,” ar seisean, agus mé ar an mbóthar. Ar an mbóthar abhaile b’éigean do dul trí coíll. Bhí an oidhche ag tuitim is bhí eagla ag teacht air. Ba geárr go bhfeaca sé rabálaidhe ar thaobh an casáin, agus gunna aige. Cuir an robalaidhe an gunna le ‘na gualainn is ghlaodh sé ar Donncadh stad, agus teacht anuas de’n gcapall. Bhí a croidhe ‘na bhéil ag Donnchadh, ach níor stad sé. Tharraing an robálaidhe an triogair, ach mo léir, níor tháinig aon urchar as an ngunna, mar bhí an pudar fliuch ó’n mbáistigh. Do bhuail Donnchad leás d’á eachlasg ar an gcapall, d’imthigheadar ar chos anáirde is thánadar slán as an gcoill. “Feuch anios,” arsa Donnchadh, “nách mór an t-amadán mé. Bhíos ag gearán i dtaobh na báistighe, is mara mbeadh í beinn cómh marbh le h-Art an nómat so.” Gaibh sé a bhuidheachas le Dia, is thug a bhóthair air go dtáinig sé slán abhaile.

   Siobhán Ní Curnáin do sgríobh.
   Siobhán Bean Uí Curnáin (50) d’aithris..
   Caoldubh Uachtarach,

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Siobhán Ní Curnáin

   Inscne

   Baineann

   Faisnéiseoir

   Siobhán Bean Uí Curnáin

   Inscne

   Baineann

   Aois

   50

   Seoladh

   An Caol Dubh Uachtarach, Co. Chiarraí