Scoil: Leitir (uimhir rolla 15668)

Ar an leathanach seo

1. Scéal

   

   Roinn Roinn Postáil

   Sgéul

   Bhí fear ann fadó darab ainm dó Dómhnaill Sealgaire. B’é a ghnó ó mhaidin go h-oidhche bheith ag tóruidheacht ar girrfhidhthe, agus ar coiníní, agus ag rith ar éanluithe. Bhí an córacha go léir aige a oirfheadh d’fhiagaidhe nó do sealgaire. Bhí gunna, agus chú, agus firéad aige, agus ní raibh aon gann achar inneall súil-ribe air, i gcás gur dheacair do ghirrfhiadh ná do choinín na do chirc fhraoigh dul uaidh.
   Théigheadh sé go dtí an baile mór cúpla uair sa t-seachtmhain chun a mbíodh aige do dhíol, agus dar ndóigh, do bhíodh lán a phócaí d’airgead aige ag teacht abhaile dhó, mar i dteannta é bheith glic gunta chun teacht suas leis an seilg, do bhí sé cruinn ar an ngunna, agus seansamhail ádhmharach san gcuardach.
   Do chuaidh an cluiche i na choinne i gceart ar feadh tamaill i dtreó go raibh sé ar feadh i bhfad nar fhéad sé teacht suas le h-aon nídh. Fé dheireadh do mhairbh sé coinín agus sin ar mhairbh.
   Do chuir sé an coinín isteach i mála cuige féin maidin áirithe, agus do bhuail sé ar a dhrom é, agus do ghluais sé air fé dhéin an bhaile mhóir cun an coinín do dhíol.
   Do thárla tig tábhairne ar an mbóthair roimis, agus do ghlaoidh sé isteach ann. An fhaid do bhí sé istig do bhí sé féin agus fear an tábhairne ag cainnt. Do bhí sean-aithne achu ar a chéile. Do bhí Domhnaill ‘gá innsint do’n b’fear eile conus mar a bhí an saoghal ag gábhail in a choinne le déanaighe, agus d’innis sé dhó mar gheall ar an gcoinín i dteannta na coda eile.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Siobhán Ní Cúrnáin

   Inscne

   Baineann

   Faisnéiseoir

   Siobhán Bean Uí Cúrnáin

   Inscne

   Baineann

   Aois

   50

   Seoladh

   An Caol Dubh Uachtarach, Co. Chiarraí