Scoil: Gurrane (B.) (uimhir rolla 14839)

Ar an leathanach seo

1. Bean Siúil agus a Mac

   

   Roinn Roinn Postáil

   Do bhí bean siúbhail agus a mac ag gabháil bóthar Cluaindrochaid lá. Do bhí an lá ana bhrothallach agus do thánaig tuirse ar an mnaoi. Do shuidh sí ar thaobh an bhóthair fe sgáth crainn. Do thug sí ordú do'n mhac gan leigint d'aon rud teacht na goire an fhaid a bheadh se na codladh. Tareis tamaill do thánaig cuileog agus do thuit sí ar a sróin. Do chuimhnigh a mac ar an ordú agus do fuair sé bata chun an cuileog a mharbhú. Do bhúail sé an cuileóg agus d'imthigh sé go tapaigh ach do bhris srón na mháthar.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

2. Scéal

   

   Roinn Roinn Postáil

   

   Níl tú logáilte isteach, ach tá fáilte romhat tras-scríobh a dhéanamh go hanaithnid. Sa chás seo, déanfar do sheoladh IP a stóráil ar mhaithe le rialú cáilíochta.

   Bhí fear ann uair éigin agus bhí sé ag dul go MaghCromtha agus bhí lios ins pairch ar thaobh an bhóthair. Nuair bhí sé ag dul síos an bhóthar le h-ais an leasa do stad an capall. Bhuail sé an capall ach ní raibh aon mhaith do ann. I gcionn neomait bhí fearg air léim sé amach as an dtrucaill agus rith sé isteach sa lios chun bata d'fhághail. Connaic sé leipreacán ag deanamh bróg. Bhí casúr beag i a láimh aige agus é ag amhrán. I gcionn neómait do labhair an leipreachán. "Trom lasán má sé do thoil é" ar seisean. "Níl aon lasán agam" arsan fear. "Tá bosca lasáin in do póca agus mara dtabharfair ceann dom anois marbhóchad tú féin agus do chapall" arsa'n leipreachán. "Marbhóchair mé an eadh" arsa'n fear. "Airiú tán tú ró bheag agus ní féidir leat" ar seisean. Fuair an fear bata ach má fuair seo á bhualadh féin é. Is dócha gur cuireadh eagla ar an bhfear mar dubhairt sé láithreach "Seo" agus do shín sé lasán chun an leipreacháin. "Á" arsa'n leipreachán "amadán iseadh tusa". Ní raibh aon radharc ag an bhfear ar an leipreachán annsan.

   Sábháil Cealaigh

   Conas tras-scríobh a dhéanamh »

   Má chliceálann tú ar an gcnaipe sábhála, glacann tú leis go mbeidh do shaothar ar fáil faoi cheadúnas Creative Commons Attribution-NonCommercial 4.0 International License agus gur leor nasc chuig dúchas.ie mar aitreabúideacht.

   Topaicí

   1. seánra
      1. ealaín bhéil (~1,483)
         1. scéalta grinn (~6,086)
   2. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge