School: Cillíneach (roll number 12412)

On this page

1. An Corcán Ór

   

   Share Share Post

   Do bhí duine muinteardha lem' sean sean athair 'na comhnaidhe in Oileán Ciarraidhe [Castleisland]. Seán Ó Laoghaire ab' ainm do nó mar a tugtar air an ám sin Seainín na n-ubhall. D'fhág sé Cathair a' Crutaire [Caheracruttera] nuair a bhí sé na garsún óg agus cuir sé fé in Oileán Ciarraidhe. Bhí taidhreamh aig aon oidhche amháin agus do connaic sé muc ór sínte amac fé'n bhfód i gCnocán Ban. Dá mba mhaith leis an muc sin d'fhaghail caithfidh sé dul go dtí an áit sin agus beirt gharsún do muinntir Seaghdha do thógaint in aoinfheacht leis agus raobadh a dhéanamh ar an muc Domhnach eigin nuair a bheadh gach aoinne ag an Aifreann.
   Do thaidhreamh sé an rud ceadhna trí h-oidhcheannta in dhiaidh a céile ach níor cuimhnig sé a thuilleadh air mar níor cuala sé fuamh ar Cnocán Ban agus ní raibh fhios aige cá raibh sé. Le h-imtheacht aimsire d'imthig sé as a aigne ar fad. Timcheall raithe 'na dhiaidh sin thainig Seán go Cathair a Crutaire mar bhí mo shean sean athair cun pósadh. Cé bhí sé 'gá pósadh ach cailín darbh ainm Seaghdha agus deirbsiúir ab eadh í do'n bheirt buacaill a bhí luaidhte cun dul in aoinfheacht leis an lorg na muice.
   An fhaid a bhí sé ann d'innis sé do'n bhean tighe óg i dtaobh an taidhreamh a bhí aige agus bhí sé

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Micheál Ó Muirchearta

   Gender

   Male

   Age

   60

   Occupation

   Feirmeoir

   Address

   Caheracruttera, Co. Kerry