Scoil: Baile an Tighearna (Ballyhearnay) (uimhir rolla 10819)
- Suíomh:
- Baile Uí Thiarnaigh Thiar, Co. Chiarraí
- Múinteoir: Partolan Ó Gríbhthín
Tagairt chartlainne
Bailiúchán na Scol, Imleabhar 0479, Leathanach 145
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Na Péin Dlíghthe.
In aimsear na bPéin Dlíghthe in Éirinn ní raibh cead ag na sagairt aon Aifreann do rádh, agus do bhí luach ar cheann gach sagart, acht níor stop san iad ó bheith ag rádh Aifreann.
San am san do bhí sagart ins an oileán seo, agus bhí sé ag teicheadh ó na saighdiúirí. Do leanadar é ó Bhaile an tSéipéil suas chómh fada leis an gCurrach .
Do bhí beirt shean-duine 'na gcómhnaidhe 'san gCurrach 'san uair úd, agus bhíodar ana aosta ar fad, agus ní rabhadar baistighthe in aon chor, agus do rith an sagart isteach chúchu nuair a bhí sé ag teicheadh.
D'iaradar air iad do bhaisteadh, agus bhí an aimsear ana thirim an uair sin agus ní raibh aon uisge ann, agus chuaidh an sagart amach agus dúbhairt sé paidir ós cionn an phíosa talmhan 'na raibh sé 'na sheasamh' agus ar an láthair sin do tháinig tobair ann, agus tobar beannuighthe is eadh é anois. Is ó uisge an tobair do bhaist sé an bheirt.
I rith na h-aimsire sin go léir do bhí na saighdiúirí ag teacht níos cómhgaraighe, agus níor mhothuigh an sagart aon rud go dtí go rabhadar buailte suas leis nách mór.
Do rith sé chómh mear is d'féad sé é suas go dtí barr na faille, agus na saighdiúirí 'na dhiaidh, agus do sheas sé ar leac mhór íseal agus is annsan do mhairbh na saighdiúirí é.(leanann ar an chéad leathanach eile)
