School: An Clochar, Cathair Saidhbhín (roll number 13542)
- Location:
- Cahersiveen, Co. Kerry
- Teacher: An tSr. M. de Lourdes Stac
![The Schools’ Collection, Volume 0476, Page 283](https://doras.gaois.ie/cbes/CBES_0476%2FCBES_0476_283.jpg?width=1600&quality=85)
Archival Reference
The Schools’ Collection, Volume 0476, Page 283
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
- XML School: An Clochar, Cathair Saidhbhín
- XML Page 283
- XML (no title)
- XML (no title)
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
(no title)
“Cheap na daoine fadó leis, dá dtagadh na ba abhaile gan puinn bainne ist oidhche gurb iad na púcaí a bhain an bainne dhíobh.”
....Bhí bean ann uair agus leog sí a bó amach ar maidin roimh a crúdh. Nuair a tháinig an bhó isteach ní raibh fiú amháin, dath an tae aici, agus mar sin a bhíodh sí gach aon mhaidin. Bhí iongnadh ar an mnaoi, cad do bhí ag teacht leis an mbuin. Leog sí amach í maidin agus d'aodhruig sí féin í. An fhaid is a bhí an bhó ag inbhear bhí an mhuc ag sgreadaig timcheall uirthe agus ní fheaca sí aon mhuc. Thug sí léi isteach an bhó, annsan, agus leog sí a dá ghlúin fúithe, agus do bhí sí ag guidhe chun Dé an bhó d'fhágaint aice. Do bhí an bhó ar fheabhas aice as san amach. Mhair an bhó go dtí go raibh sí ocht mbliadhna déag d'aois. Do cuireadh ar salann annsan í agus ní túisce san déanta ná go bhfuair bó cúig bliadhna bás. Dubharthas gur bheireadh cun siubhail í san mar bhó in ionad na bó a marbhuigeadh.(no title)
“Baineadh na feirmeóií fadó móin na bliadhna in aon lá amháin.”
.....Bailighidís seacht nó ocht de sleánaibh agus meitheal mór fear. Ba dheacair dóibh súd mar fir puinn gnótha a dhéanamh, mar bhíodh na cailíní óga ag imirt ortha. Nuair a thagaidís cun dinnéir, geibeadh na cailíní muga móra d'uisge, agus loitidís dinnéar na bhfear leis. Nuair a bhíodh an t-uisge ídithte, théighdís cun na meidhre, acht ní ró mhinic é, agus bhídís ag caitheamh na blathaighe ar na fearaibh. Bhíodh fear a' tíghe beagnach as a mheabhair an lá san toisg a laigheadh oibre a bhí á dhéanamh ages na fearaibh. Maidir le bean a'tíghe bhíodh a páirt aice siúd san spóirt cómh maith le cách(continues on next page)