Scoil: Cineal Conaill (uimhir rolla 15271)
- Suíomh:
- Garbhachadh, Co. Dhún na nGall
- Múinteoir: Antoin Ó Dochartaigh
![Bailiúchán na Scol, Imleabhar 1035, Leathanach 95](https://doras.gaois.ie/cbes/CBES_1035%2FCBES_1035_95.jpg?width=1600&quality=85)
Tagairt chartlainne
Bailiúchán na Scol, Imleabhar 1035, Leathanach 95
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Nuair a bhí an Teaglach Naomtha ar teicheadh ins an Éigipt chuaidh siad ar seáchran ins an bhfásach, agus ar an naomhadh lá ní raibh aca acht buillibhín amháin eórnach agus braon beag fíor uisge.
Ar gach taobh, chá rabh dadaidh le féiceal acht tonnaí gainimhe ‘a síabadh leis an ghaoith, ag dalladh a súil agus ag druideadh suas an uile chasán ‘san áit.
I gcionn tamaill, bhí Íosap bocht sáruighthe amach le h-ocras agus le tuirse. Luigh sé síos go brónach, acht thug Muire uchtach dó, ag iarraidh air dóchas a chuir in Dhia.
Bhí an Naoidhennán ‘n A Chodlash go suaimhneach I gcliabh bheag ar dhruim an asáil.
Ag meabhrúghadh léo, chualaidh Muire agus Íosap ósna throm, truaighmhéileach, ingár do’n áit in a raibh siad in a suidhe. Chuartaigh an Mhaighdean thart, agus indeireadh na dála, chonnaic sí cailín ‘na luighe ‘sa’ ghainimh, agus dreach an bháis ar a h-aghaidh – a lámha ar críth, a béal fosgáilte agus í ins na sméitheannai’ deireannacha le h-ocras agus tart.
Le truaigh díthe roinn Muire an méid bidh agus dighe a bhí aici leithe, agus ní raibh sí ibhfad go raibh sí in innibh labhairt leóbhtha. Ba í a bhí buidheach! agus líon a croidhe le lúghthair nuair a thainic sí slán as géill an bháis.
I gcúineas na h-oidhche sin, nuair a bhí siad uilig ‘na gcodladh, thainic sluagh áingeal as na Flaitheas, agus le ceól na gcláirseach agus filidheacht neimhe mhol siad An Báb Naomhta. Annsin tharraing(leanann ar an chéad leathanach eile)- Bailitheoir
- S. Bean Uí Dhochartaigh
- Inscne
- Baineann
- Faisnéiseoir
- Pádraig Ó Ceallacháin
- Gaol
- Tuismitheoir
- Inscne
- Fireann