Scoil: An Tuairín (uimhir rolla 13415)

Ar an leathanach seo

1. (gan teideal) (ar lean)

   “Bhí Rí ann fadó agus bhí aon mhac amháin aige agus bhí an mac ann aerach agus níor mhaith leis an Rí é sin...”

   

   Roinn Roinn Postáil

   (ar lean ón leathanach roimhe)

   leis agus nuair abhí sé ingar a bheith in oidhche chonnaic sé teine agus chuaidh sé go dtí í agus chaith sé an oidhche annsin agus bhí brionglóid aige nac bhfeicfeadh sé Ridire na Coille Gluise [!] go deo nó go leigfeadh sé uaidh an capall.
   Nuair dhúisigh sé ar maidin "bainfidh mé an lá indiu as an gcapall ar chum ar bith" adeir sé agus d'imthigh sé leis agus bhí sé ag imtheacht i gcaitheamh an lae agus ní fhaca sé teach ná duine no go raibh sé deireanach agus chonnaic sé teine eile agus chuaidh sé go dtí í agus chaith sé an oidhche annsin agus thuit sé in a chodladh agus bhí an bhrionglóid chéadna aríst aige. D'imthigh sé leis maidin lá ar na bháireach aríst ar an gcapall agus nuair abhí sé deireanach go maith trathnóna chonnaic sé teach uaidh agus annsin sgaoil sé abhaile an capall agus chuaidh sé go dtí an teach agus chuaidh sé isteach ann agus d'iarr sé lóisdín go maidin agus dubhradh leis go bhfuigheadh agus fáilte agus d'fan sé annsin go maidin agus d'innis sé a sgéal dóib agus dubhairt fear a tíghe go raibh dearbhráthair aige féin abhí trí céad míle as sin agus go raibh aithne aige ar an bhfear sin. "Ma tá féin" adeir mac a' Ríogh "cén lá a mbéidh mise annsin"
   "Béidh tú ann ag an dó dhéag amáireach"

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Séamus Ó Tomhnra

   Inscne

   Fireann

   Gairm bheatha

   Múinteoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Faisnéiseoir

   Seán Mac Donnchadha

   Inscne

   Fireann

   Seoladh

   Béal an Daingin, Co. na Gaillimhe