Scoil: Baile Mhúirne (C.) (uimhir rolla 15347)
- Suíomh:
- Baile Bhuirne, Co. Chorcaí
- Múinteoir: Eibhlín Bean Uí Bhuachalla
Tagairt chartlainne
Bailiúchán na Scol, Imleabhar 0330, Leathanach 277
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)2.
Nuair a bhíodh cailín óg le pósadh fadó do bhíodh gúna fada dhubh uirthi agus skirt mór leathan air agus uaireannta bhíodh fúnsa ar an dtaobh istig de'n skirt chun é a dhéanamh níos leithne agus caidp dubh nó gorm uirthi agus ribíní bána agus dearga agus glasa.
3.
Nuair a bhíodh sí ag dul go dtí an séipéal do chaitfeadh duine éigin seana-slipéad 'na diaidh mar b'shin nós a bhíodh aca i dtreo go mbeadh an t-ádh leis an gcailín nua phósta. (4) Ansan nuair a bheadh sí pósta agus théigheadh sí isteach chun a h-ainm a sgríobhadh bhíodh na buachaillí go léir ad'iarraidh an céad póg d'fhághail uaithi.
5.
Bhíodh nós eile aca leis na daoine a h-iarrtí teacht go dtí an pósadh ba cheart dóibh tabhartas éigin a thabhairt leo mar gé nó cúpla púnt ime nó béile prátaí nó spóla feóla, agus do bheidís go léir beirbhighthe agus ní bhíodh pioc le déanamh aca suidhe síos cuige agus tosnú ar ithe agus bhíodh béile breágh aca pe'cu a bheadh an fear agus an cailín nua-phósta bocht nó saidhbhir.
Nuair a bheadh a ndóithin ithte aca ansan do thosnuighdís ag rinnce agus do bhíodh ceól is rinnce is damhas aca go maidean. Ansan théígheadh na dhaoine go léir abhaile agus b'fhéidir dá mbeadh na daoine saidhbhir do raghaidís go h-áit éigin ar mí na meala ach muna mbeidís ámhthach d'fhanaidís sa bhaile.
- Faisnéiseoir
- Siobhán Bean Uí Luasaigh
- Inscne
- Baineann
