Scoil: Ballylar (uimhir rolla 10444)

Ar an leathanach seo

1. Daoine Cáiliúla

   

   Roinn Roinn Postáil

   Ins an t-sean aimsir bhíodh cíos le díol ag gach duine de réir an mhéid ainmhidhthe a bhíodh aca. Teach an "Toll" a bheirtí ar an áit a bhíodh seo le díol. Ghnídheadh gach duine a dhithcheall fágháíl ar shiubhal gan seo a dhíol. Bhí fear ar an bhaile seo agus ní raibh ainmhidhthe ar bith aige acht tháinig a mhac na bhaile as Albain agus fuair sé asal agus truacaill leis an mhóin a thabhairt na bhaile. D'iarr a athair air gan a ghabhail amach ná go dtiocfadh fear an "Toll" air agus go gcuirfeadh sé cáin air. Dubhairt a mhac go leigheóchadh seisean sin. Chuaidh sé amach acht nuair a bhí sé ag teacht comhgarach dó theach an "Toll" sgaoil sé amach an t-asall agus thoisigh sé fhéin ag tarraingt an trucaill agus an t-asal istoigh sa trucaill. Tháinig fear an "Toll" amach roimhe agus d'fhiafruigh dó ar dhíol sé an cíos. D'iarr Pad air fiafrughadh do'n tiománaidhe. Pad Racán a t-ainm a bhí ar an fhear seo. Bhí dhá dhearbhrathair aige agus bhíodh siad i gcomhnaidhe ag piocadh air agus ag troid leis. Acht chuir sé troid ortha lá amháin agus d'iarr sé ortha lámh amháin de' na chuid a cheagal ar chúl a chinn agus go rachadh sé ar a dhá ghlúin agus rinne sé seo agus bhuail sé aniar agus siar iad.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. pearsana stairiúla (~5,068)

   Teanga

   Gaeilge

   Bailitheoir

   Tomás Mac an t Saoir

   Inscne

   Fireann

   Seoladh

   Seanach, Co. Dhún na nGall