Scoil: An Bloscaod Mór
- Suíomh:
- An Blascaod Mór, Co. Chiarraí
- Múinteoir: Máire Nic Gearailt
![Bailiúchán na Scol, Imleabhar 0418, Leathanach 140](https://doras.gaois.ie/cbes/CBES_0418%2FCBES_0418_140.jpg?width=1600&quality=85)
Tagairt chartlainne
Bailiúchán na Scol, Imleabhar 0418, Leathanach 140
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)"An bhfuileann tú id chodhladh, a Thaidhg," ars seisean leis an leanbh eile.
"Nílim in aon chor," arsa Tadhg.
"An bhfeacaís riamh biadh braimilleóige ag dul ar gort go dtí indiu," ar seisean.
"Ní fheaca mhuis," arsa Tadhg.
"Ce'cu is sine, tusa ná mise," arsa Dómhnall le Tadhg.
"Is fíor ná feadar," arsa Tadhg.
"Cecu is sine, tusa ná an ceó?"
"Is sine mise dhá uair."
"An cuimhin leat cath Mheadhbh," arsa Dómhnall.
"Is cuimhin go maith agus na seacht gcathanna a chuaidh roimis," arsa Tadhg.
Le na linn sin bhrathadar anál na mná leis an bpol[l] agus drondom eile níor tháinig as a bpus. D'imthigh an bhean 'on ghort agus d'eachtraig an scéal dos na fearaibh.
Thángadar abhaile agus rugadar ar challtar céachta agus bhuaileadar isteach sa teine é.
"Beirim do Dhia a bheirt an chliabháin go dtabharfhad loscadh dhíbh ná fuair aoinne riamh é." Thairring sé amach an calltar craorag agus ar fhéachaint tímcheall air [a] bhí an dhá crampaéir ag cur an doruis díobh.
Leath uair 'na dhiaidh san bhuail an bheirt garsún breághtha a t-úrlár aníos go dtí'n lánamhain, a mbeirt mhac féin agus iad in aois a dtrí bliana.- Faisnéiseoir
- Muiris Ó Catháin
- Inscne
- Fireann