School: Béal Átha an Ghaorthaidh, Maghcromtha
- Location:
- Béal Átha an Ghaorthaidh, Co. Cork
- Teacher: Gobnait, Bean Uí Liatháin
![The Schools’ Collection, Volume 0338, Page 089](https://doras.gaois.ie/cbes/CBES_0338%2FCBES_0338_089.jpg?width=1600&quality=85)
Archival Reference
The Schools’ Collection, Volume 0338, Page 089
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- Eibhlín Ní Cheallacháin, Cathair na Cátha. Aois - Aon bhliain déag 22-2-38
Béaloideas – Scéal
Timpeall míle ó shráidbhaile Bhéal Átha an Ghaorthaidh, ar an dtaobh thuaidh de, tá ráth ar a dtugtar Cathair na Cátha. Tá falla cloch timpeall air, ach tá mórán des na clochaibh leagtha. Tá sé a sé nó a seacht de throithibh ar aoirde in áiteannaibh, ach níl sé ach cúpla troigh in áiteannaibh eile. Timpeall a hocht nó a naoi de throithibh ar leithead atá sa bhfalla. Tá crainn iubhair ag fás istigh sa ráth ach is gearr ó cuireadh ann iad. Níl aon pholl talún le feiscint istigh sa ráth, fé mar atá i Ráth an Ghaiscígh ar an dtaobh thoir de.
Timpeall céad slat ó Chathair na Cátha, áfach, tá poll fé bhráid carraige. Deirtear go bhfuil pasáiste ón bpoll san go dtí lár an rátha agus go bhfuil seomraí anso is ansúd fan an phasáiste seo. Chomh fada agus is féidir a fheiscint ó bhéal an phoill, tá falla cloch ar gach taobh de. Deirtear gur chuaigh cuid des na Gaelaibh i bhfolach sa poll so tar éis Chath Chéim an Fhia.- Collector
- Eibhlín Ní Cheallacháin
- Gender
- Female
- Age
- 11
- Address
- Cathair na Cáithe, Co. Cork