Scoil: Baile an Mhuillinn (B)

Ar an leathanach seo

1. Toibreacha Beannaithe

   

   Roinn Roinn Postáil

   Tá tobar beannuighthe agus níl sé i bhfad ó'n áit i n-a bhfuil mise in mo chomhnuidhe. I nDamhras atá sé agus Tobar Phádhraig a tugtar air. Ní fhaca mise ariamh é cé go bhfuil sé i ngar dhom. Deirtear go raibh Naomh Pádraig ag dul treasna ná páirce sin agus go ndeachaidh sé ar a ghlúnaibh agus gur dhubhairt sé a phaidreacha ann agus tá lorg a ghlúnaí annsin go fóill. Tá cloch mór le h-ais an tobar agus tá poll ins an gcloich agus deirtear gur chur Naomh Pádhraig na soithigh beannuighthe i dtaisge annsin.

   Théigheadh go leór daoine ag an tobar fadó an tam a dtéigheann na daoine go Cruach Pádraig. Deirtear fresin gur leigheasadh cuid maith daoine annsin. Chuimligheadh na daoine an tuisge díob fhéin. Chuala mé faoi bean agus bhí sgoilteacha uirri ach chuaidh sí go Tobar Phádraig agus chuimil sí an tuisge dí féin agus ó'n lá sin amach bhí a sláinte go maith aici.

   Chuala mé faoi tobar beannuighthe a bhí sa Mainistir Cnoc Máigh agus Tobar Breandán a tugtar air. Tá sé ar bhár chnuic agus théigheadh na daoine go dtí an tobar sin ón gceanntar seo fadó. Bhí an tobar seo i bhfeilm mór ach roinneadh an talmhan agus b'eigin do na daoine dul thar claidhtheachaibh agus thosuigh duine ag duine ag díol an tuisge beannuighthe agus stop na daoine ag dul ann in-a-dhiaidh sin. Bhéaread síád an tuisge beannuighthe abhaile leobhtha agus thugheadh síad thart timcheall an tobair ag rádh a bpaidreacha.

   M'athair Liam Ó h-Aodha a d'innis.
   Pilib Ó h-Aodha do sgríobh

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. ócáidí
      1. ócáidí (de réir trátha bliana) (~11,476)

   Teanga

   Gaeilge

   Bailitheoir

   Pilib Ó hAodha

   Inscne

   Fireann

   Faisnéiseoir

   Liam Ó hAodha

   Inscne

   Fireann