Scoil: Tulach Cadhain (uimhir rolla 8446)
- Suíomh:
- Tulaigh Mhic Aodháin, Co. na Gaillimhe
- Múinteoir: Séamus Ó Duibhghiolla
Tagairt chartlainne
Bailiúchán na Scol, Imleabhar 0064, Leathanach 031
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)Bhí an Tighearna Talmhan a bhí san áit seo an-grádh-diamhail agus bhiodh sé ag tabhairt an gráinn a thugfaidís dó mar cíos ar ais dóibh arís
- Naomh Pátrúin an Cheanntair.Deireann cuid de na daoine é seo agus cuid eile díobh é siúd faoi Naomh Pátrúin an pharróiste, ach deireann an cuid is mó des na daoine gur Naomh Nioclás, Naomh Pátrúin an pharróiste seo, agus sílim gurb é freisin mar tá go leor áiteacha ainmnighthe go fóill in a dhiaidh. Tá áit sa Churrach agus sé an t-ainm atá air ná "Cill Niocláis. is dócha go raibh cill aige annsin fadó. Tá agus "Caladh Niocláis" ann freisin, áit a bhíodh a bhád in a luighe.
Tá scéal acab, timcheall, faoi miorbhúilt a rinne sé. Seo é an caoi go bhfuil sé:
Bhí fear san parróiste seo san am a raibh an Naomh ann agus gach oidhche nuair a theidheadh sé ina chodladh thagadh toirt mór agus luigheadh sé ar a dhruim agus luigheadh sé go trom freisin agus leigeadh an rud cnead mór ar. Eireothadh an rud ar nuair a bheadh sé ag éirighe agus ní fheiceadh sé é cor ar bith. Mar sin féin tháinig faitchíos an-mhór ar an bhfear agus dubhairt sé go rachadh sé go dtí an Naomh agus go n-innseothadh sé dó é. Rinne(leanann ar an chéad leathanach eile)
