Volume: CBÉ 0283

On this page

1. Eachtraí ar Ghobnait Naofa Bhaile Mhúirne (continued)

   

   Share Share Post

   (continued from previous page)

   8
   ag tuitim agus gan aoinnídh bun os cionn leis.
   Ba ghearr gur bhailigheadar leo féin as an áit ar
   fad agus níor h-airigheadh a thuilleadh uatha.
   Innstear alán eachtraí mar gheall ar an ngaduidhe
   dubh, sé sin saor do bhí ag obair do Ghobnait le
   linn na h-aimsire sin. Do bhí eagla ar an bhfear
   so ná díolfaí é as a chuid oibre agus do bhí sé ag
   cur is ag cúiteamh féachaint cad dob fhearra do a
   dhéanamh chun teacht suas le n-a chuid féin.
   Do bhí capall bán ag Gobnait agus do bhuail
   smaoineamh é gur mhaith an rud an capall so do
   ghoid uaithe. D’fhad sé le oidhche ana dhorcha agus
   seo chun siubhail é leis an gcapall bán.
   Níor dhein sé stad ná cómhnuidhe ar feadh na
   h-oidhche ach ag gluaiseacht air go h-éasgaidh i
   dtreo go mbeadh slighe ana fhada idir é agus Gort
   na Tiobradan nuair a bhéarfadh an lá air.
   Fé dheire do tháinig an mhaidean agus cá raibh
   an gaduidhe ach insan áit go raibh sé an
   tráthnóna roimis sin. Is amhlaidh do thug sé an
   oidhche go léir ag gabháil tímpeall an chlochair i
   n-ionad bheith leathchéad míle ó bhaile.
   Ní innstear cad a thuit amach do ina dhiaidh san ach
   tá gearradh cloiche ar dheallramh an ghaduidhe le feis-
   gint fós i dteampall Ghobnatan.
   

   (continues on next page)

   

   Transcribed by a member of our volunteer transcription project.

   History Edit

   Date

   19 Márta 1928

   Item type

   Lore

   Language

   Gaeilge

   Writing mode

   Handwritten

   Writing script

   Gaelic script

   Informant

   • Micheál Ó Loingsigh