Scoil: Teileann

Ar an leathanach seo

1. Seanscéal (ar lean)

   

   Roinn Roinn Postáil

   (ar lean ón leathanach roimhe)

   Ba mhór a bhí a athair mío-shásta leisean fosta. Bhi an Rí anois i muinighin an triomhadh mac, an mac b'óige de'n triúr. D'fiafruigh sé de'n mhac b'óige annsin a' rachadh seisean 'un tsiubhail dó. Dubhairt an mac go rachadh agus céad fáilte, nach dtiocfadh leis déanadh ach a theacht fuar, folamh mar rinne an bheirt eile. D'fiafruigh sé de annsin cé aca bh'féarr leis tuirtín beag agus a bheannacht nó tuirtín mór agus a mhallacht. Dubhairt an mac go rabh sé dona go leor agus a bheannacht a bheith leis ag imtheacht dó gan a mhallacht a bheith leis.
   D'éirigh sé ar maidín agus chuaidh i gcionn a' t-siubhail. Shiubhail sé leis nó go dtainig sé fhad leis a'chrois-bhealach cheadna a rabh a dhá dheartar aige. Shuidh sé síos a dh'ithe giota de'n arán. Ní rabh sé i bhfad i n-a shuidhe nó go bhfacaidh sé an seanduine bear ruadh ag tarraingt air. D'fiafruigh an seanduine de a'dtabhairfead sé giota beag de'n arán dó nó go rabh ocras air. Dubhairt seisean go dtabhairfead agus fáilte. D'iarr sé ar an t-seanduine suidhe nó go n-itheadh sé a sháith de. Nuair a bhi a ndothán ithte aca d'éirigh an seanduine agus dubhairt sé leis an mhac gurabh'feárrde dó. Chuir an seanduine a lámh síos ann a phóca agus tharraing aníos ceairtlín[?] bheag. "Seo chugat" arsa an seanduine, "ceairtlín[?] bheag, caith romhat í agus lean duíthe a n-uile áit a dtabhairfid sí thú."

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0550: Search for the Golden Bird

   Teanga

   Gaeilge

   Faisnéiseoir

   null

   Inscne

   Fireann

   Faisnéiseoir

   null

   Gaol

   Tuismitheoir

   Inscne

   Fireann