Imleabhar: CBÉ 0283

Dáta
1928
Bailitheoir
Suíomh
Brabhsáil
An Príomhbhailiúchán Lámhscríbhinní, Imleabhar 0283, Leathanach 0041

Tagairt chartlainne

An Príomhbhailiúchán Lámhscríbhinní, Imleabhar 0283, Leathanach 0041

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Ar an leathanach seo

  1. (gan teideal)

    Bhí cúpla bothán ar an trean-bhóthar (i mBaile Mhic Íre)...

    bhí cúpla bothán ar an tsean-bhóthar (i mBaile Mhic Íre)
    roinnt bhliadhanta ó shoin agus do bhí sean-bhean na cómhnuidhe
    i mbóthán díobh so go raibh go raibh sparán teann aici
    do réir mar adeirtí.
    Do ghaibh bacach an treo agus d’airigh sé an ráfla san
    ar a siubhaltaibh. Do ghlaoidh sé isteach sa bhothán oidhche
    agus d’órduigh don t-seana mhnaoi do sparán do thabhairt
    do. Do thosnuig argóint fíochmhar eatorra agus mura
    bheadh fear áirighthe sa chómharsanacht a ghaibh thar an dtig
    is ró-bhaoghlach go mbeadh a cuid airgid imthighthe le
    fuacht agus le fán. D’airigh an fear so an gleo istig
    agus do chuaidh sé isteach.
    B’é deire an sgéil é gur cuireadh an bacach isteach
    i bpríosún. Do dhein Conchúbhar Ua Dealmhumhna
    an t-amhrán so ar an méid sin a thuit amach:
    Ar aireabhair-se an sgeal so ar Nóra Ní Mhuirthile
    Ní raibh sí gan gnó aice ag dul go dtí'n chúirt
    Chun go gcuirfeadh sí an cárda ar sgárnaig a’ chliobaire
    Tháinig sa treo i gcóir í mharbhughadh.
    I dtig ar bhéal bóthair 'seadh chómhnuigh an bhruinneal so
    bhí feiste agus treo uirthe, ór aice is púint
    Do bhuail chúiche an stródhaire crón-dubh ó luimnigh
    Ar intinn ar ndóin é bhreith uaithe siúd.
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Dáta
    19 Márta 1928
    Cineál míre
    Seanchas
    Teanga
    Gaeilge
    Modh scríbhneoireachta
    Lámhscríofa
    Script scríbhneoireachta
    Cló Gaelach
    Faisnéiseoir