School: Clochar na Toirbhirte, An Daingean

On this page

1. Sceal Maolghobbí (continued)

   

   Share Share Post

   (continued from previous page)

   dtí an t-Aifreann, agus go mbeadh an t-arán bacáltha aice nuair a thiocfadh sí. (Ní fada i n-a dhiaidh sin). Nuair a tháinig Maolghobbí ón Aifreann, bhí an bhean imthighthe agus gach rud déanta aice. Ní fada eile i n-a dhiadh sin a bhí an bheirt eile agus d'fhiafruigheadar di cionnus a dhein sí an bácáil agus an áit do ghlanadh chomh deas agus dubhairt sí leo gur dhein sí é.
   An Domhnach i n-a dhiaidh sin dubhradar léi an rud céadhna do dhéanamh. Comh maith do dhein agus tháinig an bhean céadhna agus dubhairt sí léi dul go dtí an t-Aifreann agus thug sí gad di agus dhein capall breagh mór den ngad agus i n-a theannta san thug sí culaith breagh éadaigh agus peidhre bróg di . Thug an capall go dtí an t-Aifreann í agus d'fhan sé amuigh léithi go raibh an t-Aifreann ráidhte agus chuaidh sí ag marcaidheacht arís air agus bhí súil gach duine ag féachaint uirthe le n-áilneacht. Bhí sí sa bhaile arís roimh an bheirt deirbhséar agus a sean-éadach curtha uirthe aice. Do bhí gach duine ag féachaint uirthe agus ag cainnt ar a h-áilneacht agus ar a h-aoibhneas.
   Dob' é an sgéal céadhna aice é an tríomhadh Domhnach. Nuair a bhí sí ag teacht amach as an Séipéal, sciob mac an Ríogh an bhróg dhi agus gaibh sé timcheall an phobail féachaint cérbh í an bhean go 'runochadh an bhróg dheas í. Tháinig sé go dtí tig Mhaolgobbí agus nuair a bhraith beirt

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0510: Cinderella and Cap o' Rushes

   Language

   Irish

   Collector

   Caitlín Nic Gearailt

   Gender

   Female

   Address

   Baile na hAbha, Co. Kerry

   Informant

   Tadhg Ó Suilleabháin

   Gender

   Male

   Age

   62

   Occupation

   Feirmeoir

   Address

   An Ghráig, Co. Kerry