School: An Druim (roll number 13528)
- Location:
- An Droim, Co. Galway
- Teacher: Micheál Ó Concheanainn
![The Schools’ Collection, Volume 0071, Page 029](https://doras.gaois.ie/cbes/CBES_0071%2FCBES_0071_029.jpg?width=1600&quality=85)
Archival Reference
The Schools’ Collection, Volume 0071, Page 029
Image and data © National Folklore Collection, UCD.
See copyright details.
DownloadOpen data
Available under Creative Commons Attribution 4.0 International (CC BY 4.0)
- XML School: An Druim
- XML Page 029
- XML “Scéal”
Note: We will soon deprecate our XML Application Programming Interface and a new, comprehensive JSON API will be made available. Keep an eye on our website for further details.
On this page
- Scéal.
Bhí righ fadó ann agus bhí inghean aige. Cailleadh a máthair. Phós sé arís 's bhí triúr ingean aige. Ní raibh an leas-inghean ag fághail ómóis ar bith ó'n leas-mháthair. Chuaidh an leas-máthair agus na triúr inghean ag an Aifreann, Domhnach. D'fhág sí an leas-inghean istigh agus dubhairt sí léithi cáca a dhéanamh do'n mín a chaith sí ar an urlár nó go mbeadh an ceann le cailleadh aici. Tháinig a máthair isteach annsin. Chuir sí culaidh éadaigh uirri. Rinne sí eachail dubh agus chuir sí amach ag an Aifreann í. Bhí mac rí ann agus shíl sé a bróg a bhaint di agus níor éirigh leis. An chéad Domhnach eile tháinig a máthair arís agus chuir sí culaidh níos deise uirri agus chuir sí amach ag an Aifreann í agus thárla an cleas céadna di. An treas Domhnach sciob mac an rí a bróg di. Tháinig sé go dtí an teach seo. Chuir sé an bhróg uirri agus phós sé í.
Faoi cheann trí ráithe bhí mac aici. Tháinig an leas-mháthair ag breathnughadh uirri. Thug sí mada beag léithi. agus chuir sí in-áit an pháiste é. Thug sí an páiste léithi agus bháth sí é. Faoi cheann trí ráithe eile bhí mac eile aici agus rinne an leas-mháthair an cleas céadna. Faoi cheann trí ráithe eile bhí mac eile aici agus rinne an leas-mháthair an cleas céadna.
D'innis an leas-mháthair do mac an rí gur mada a bhiodh aici. Dubhairt sí leis a h-inghean fhéin a phósadh agus í a dhíbirt. Rinne sé amhlaidh. Bhí(continues on next page)- Collector
- Máire Ní Donnchadha
- Gender
- Female
- Address
- An Droim, Co. Galway
- Informant
- Peadar Mac Donnchadha
- Relation
- Parent
- Gender
- Male