School: Clochar na Toirbhirte, An Daingean

On this page

1. Lánú Chom an Liaigh (continued)

   

   Share Share Post

   (continued from previous page)

   amach ar an bhfaithche agus leigint do'n gcorcán a bheith ag fiuchadh leis gan aon teine fé. Nuair a tháinigh an ministir isteach tháinigh an-iongnadh air nuair a chonnaic sé an corcán ag fiuchadh agus gan aon teine fé. D'iarr sé an corcán le ceannach ar fhear a' tighe, acht dubhairt sé-sin leis gur dhoigh leis ná sgarfadh bean a' tighe leis-sin go deo mar go mbeirigheadh sé na prátaí di gan aon teine. D'iarr an ministir annsan ar bhean -a' -tighe é agus dubhairt sé léithe go dtiubhradh sé aon rud ba mhaith léi air.
   "Táim sásta", arsa bean a' tighe , "tabhair duinn dá bhó bhainne".
   D'imthigh an ministir abhaile agus an-fhuadar fé ag dul ag triall ar na ba, agus b'fhada leis go raibh se ag baile chun an sgéal d'innsinn d'á bhean. Nuair a shrois sé an tigh dubhairt sé le-n-a mhnaoi dul ina theannta chun go bhfeicfeadh sí an corcán breágh. D'imthigh an bheirt leo agus dá bhó bhainne acu.
   Nuair a fuair an lánamha an ministir imthighthe chuireadar an teine airíst fé'n gcorcán i dtreo go raibh sé nach mór beirbhighthe nuair a thangadar. Nuair a chuaidh bean an mhinistir isteach chuir si a súil an-mhor sa chorcán nuair a chonnaic si na prátaí nach mór beirbhighthe agus gan aon teine fútha, agus dubhairt sí le bean-a'-tighe go raibh sí an-mhor léi i dtaobh a bheith chómh maith di agus an corcán breágh sin a thabhairt di.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT1539: Cleverness and Gullibility

   AT1542: The Clever Boy

   Language

   Irish

   Informant

   Bean Uí Mhurchadha

   Gender

   Female

   Occupation

   Oibrí tí

   Address

   An Baile Loiscthe, Co. Kerry