School: An Cuimín (roll number 6162)

On this page

1. Na Ceithre Máistrí

   

   Share Share Post

   Ins an Earrach sa bhliadhain 1623 tháinig fear a bhí i gcionn a thrí mbliadhain déag a's fiche go geafta Choláiste Lobháin agus dubhairt gur mhaith leis an chuid eile dá shaoghal a chaitheamh in a bhráthair bocht i n-Ord San Prionnsias. Bá é Tadhg Ó Cléirigh as Tir Aodha i nDeisceart Thír Chonaill, no Tadhg a' tSléibe a bhéarfadh na daoine air. Níl mórán eolais againn fá na shaoghal nó a bheatha sul a dteachaidh sé isteach i n-Ord San Prionnsais. Tá fhios againn go rabh sé léigheanta, foghlumtha i stair agus seanchus agus i léigheann. Is dóiche fosta gurabh sé in a shaighdiúir in airm na Spáinne.
   Rugadh é i dtrathaibh an bhliadhain 1590. Bhí dearbhrathair aige darbh ainm an t-Athair Bernardín Ó Cléirigh. Bhí sé in a bhrathair i gClochar Dhúin na nGáll. Bhí sé i gColáiste Lobháin roimhe sin. Ghlac sé fhéin an t-ainm Micheal agus ó sin amach sé an bhráthair bocht Micheal Ó Cléirigh atá againn.
   Cupla bliadhain indhiaidh Micheal a theacht go Lobháin, thainic fear eile ar fiú tracht air. Mar thainic an Sagart Aodh Mac an Bháird, as Leitir 'ac an Bháird i Rosaibh Thír Chonaill. Rinneadh Sagart dó-san sa Spáinn. Bá é an Sagart Aodh Mac a' Bháird a thug ar Mhicheal theacht go h-Éirinn. Cuireadh Micheal anall le naomh-sheanchas na nGaedheal a chruinniu agus a chur anonn go Lobháin. Bá é an rún a bhí aca, gach eolas fa naoimh na h-Éireann a chur i gcló.
   Thainic Mícheal Ó Cléirigh go

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Collector

   Anna Ní Bhaoghaill

   Gender

   Female

   Age

   14

   Address

   Cloghan, Co. Donegal